Merkatu bizia

IRAILA. Urteko hilabeterik onenetako bat iritsi da, eta sasoi honetako fruitu gozoenekin ospatu nahi dugu: konferentzia udarea, melokotoi horia eta pikuak… ezinbestekoak dira gure mahaietan. Horrez gain, gourmet produktuen aukeraketa berezia prestatu dugu, egunerokotasunera eta lanera itzultzea atseginagoa izan dadin.

Aste Nagusia familiarekin eta lagunekin partekatzeko garaia da: afariak, izozkiak, su artifizialak… Abuztuko aldizkarian, jaiak bete-betean gozatzeko ezinbestekoak diren gourmet eta sasoiko produktuen aukeraketa prestatu dugu zuretzat. Gora Aste Nagusia!

Uztailean, gure merkatuko erakusmahaiak Eusko Label hegaluzez betetzen dira. Hura beste hegaluze batzuetatik bereizteko eta etxera zer eramaten duzun jakiteko gako batzuk ematen dizkizugu. Horrez gain, Kantauri itsasoko erregeaz gozatzeko ezinbestekoak diren bi errezeta ere aurkituko dituzu.

Euskal gazta artisauak ospatzen ditugu. Urnietako Adarrazpi gaztandegia bisitatuko dugu. Bertako ardi latxen esneak eta denborak bat egiten dute Idiazabal gazta artisau gozo ekoizteko. Eta, azokaren zalapartaren erdian, Abatzan prestatzen dituzten gazta-oholak dastatzera gonbidatzen zaitugu: bidaia txiki bat Pirinioetako alde bateko eta besteko gaztandegi txiki artisauen zapore eta ñabarduretan barrena.

Malko ilarrek eta Nafarroako zainburuek kolorez betetzen dituzte gure merkatuko saltokiak. Gainera, bi errezeta zaporetsuak eta gourmet elikagaien aukeraketa.

Joseba Arguiñanori egindako elkarrizketa. Familia ugari bateko aita, ostalaritzako enpresaria eta telebistan maiz agertzen den aurpegia da. Arguiñano abizenak ematen dion ospea nabarmena bada ere, Europako eskola onenetan jasotako prestakuntza gastronomiko sendoa du, baita gozogintzarekiko eta okintzarekiko benetako zaletasuna ere.

Emakumeen Nazioarteko Eguna dela eta, Sheila Carvajal Mínguez-ekin izan gara bere laneguneko jardunaldia gertutik ezagutzen. Goizeko 4:30etan hasten da bere eguna, Pasaia-ko portuko lonjan arrain freskoa erosten. Ondoren, gure azokara joaten da, bezeroei gertutasunez eta profesionaltasunez arreta emanez, kalitatezko eta eguneko arrain freskoa eskainiz.

Bertako produktuan inspiratutako goi sukaldaritzako sorkuntzetatik hasi eta Wagyuko hanburgesetara, entsalada koloretsuak edo pintxo goxoak barne. Merkatua zeharkatu eta bertako establezimenduek eskaintzen dizkiguten proposamen gastronomikoetan jartzen dugu arreta.

Urte Berria, errege gaua eta San Sebastian eguna. Urtarrilak ez digu atsedenik ematen, eta azoka gourmet mokaduz beteta dago, jaiak alaitzeko. Horrez gain, Irati Gorostidi zinegilearekin elkarrizketa Aro Berria filmari buruz.

Eguberrietako menu oso baterako hiru errezeta, sukaldean ordurik eman gabe jaiez gozatzeko aukera izan dezazun. Gure produktuen aukeraketa gabonetan partekatzeko eta ospatzeko. Gainera, galdu ezin dituzun gertaerak.